Samoan

O Niu Sila ose tasi lea o atunuu i le lalolagi ua sili ona maualuga ai le kanesa o le taufale/ga`au  (Bowel Cancer).  O le siakiina o le taufale/ga’au e mafai ai ona lavea’i ola i le maua vave lea o le kanesa, ona e mafai i le tele o taimi ona togafitia ma le manuia. 

O le Polokalame mo le Siakiina o le Taufale /Ga`au (National Bowel Screening Programme) i Niu Sila, o le a amataina ona fa’asavali i le tausaga lenei, 2017. O lenei polokalame e fai  fua,  e leai se totogi  mo  tamā ma tinā  ua 60 i le 74 tausaga o latou soifua, i latou uma e mafai ona maua auaunaga o le soifua maloloina ua fa’atupeina e le malo.

A o’o i lou taimi e siaki ai oe, e lafo atu se tusi vala’aulia, fa’atasi ai ma le pepa fa’atagaina.  E avatu foi ma le afifi (test kit) e fai ai  lau su`esu`ega i lou fale. O le su’esu’ega e mamā ma faigofie ona fai.

O lou tusi vala’aulia muamua e avatu i totonu o le lua tausaga talu ona amataina le polokalame i totonu o le itumalo ete nofo ai.

Afai e te fia talanoa i se tasi e uiga i le polokalame e lē totogia mo le atunuu aoao e siaki ai le taufale/ga’au (National Bowel Screening Programme), faamolemole vili le telefoni 0800 924 432 ma fesili atu mo le Sooupu Samoa.

Afai o iai ni auga e fa’apopoleina ai oe, fa’amolemeole fa’afeso’ota`i  vave ma alu e va’ai lau foma`i (GP/Family Doctor).