Niuean

Information about the National Bowel Screening Programme in Niuean.

Ko Niu Silani taha motu he lalolagi ne tokoluga lahi e numela kua lauia ai ke he gagao kenesā he gakau. Kaeke kua tivi tumau e gakau to maeke ai ke laveaki e tau momoui ka moua tuai e gagao kenesā, he magaaho kua fa kautū ka tului ai.

Ko e Fakaholoaga Tiviaga Gakau ma e Kautū, nakai fai totogi, kua fakatoka atu tuai ki Niu Silani katoa, kamata ai he tau 2017 nai.

Ka hoko e magaaho ke tivi ai a koe to fakafano atu ai e tohi ole, mo e laupepa fakamooli he taliaaga haau, mo e lakau koloa tivi ma e gakau. To taute e tiviaga nai ki kaina, ti mea ni mo e mukamuka foki ke taute ai.

To moua atu e tohi ole fakamua haau a to fakaoti e ua e tau he kamata ai e fakaholoaga nai ke he matakavi kua nofo ai a koe.
 
Ka fia manako a koe ke tutala kia taha hagaao ia ke he Fakaholoaga Tivi he Gakau ma e Kautu, ti vilo atu ke he 0800 924 432 mo e ole ke vagahau ke he tagata Niue Fakatonutonu.

Kua lata ia koe ke finatu ke he ekekafo haau ka fai lekua kua logona e koe ke he gakau haau.

Page last updated: 31 July 2017